Вазорати корҳои хориҷӣ пардохти тамоми хизматрасониҳоро тариқи ғайринақдӣ ба роҳ монд
Ҷиҳати татбиқи фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ», ки аз 22 июни соли 2023, №586 ба тасвиб расидааст, Вазорати корҳои хориҷӣ пардохти ҳаққи хизматрасониҳои давлатии музднокро ба таври ғайринақдӣ ба роҳ монд.
Ҷадвали қабули шаҳрвандон
Сарраёсати консулии Вазорати корҳои хориҷии Ҷумҳурии Тоҷикистон сохтори таркибии дастгоҳи марказии Вазорати корҳои хориҷии Ҷумҳурии Тоҷикистон мебошад.
Вазифа ва ӯҳдадориҳои Сарраёсати консулӣ:
-
барасмиятдарорӣ ва таҳияи раводид ба шаҳрвандони хориҷӣ ва шахсони бешаҳрвандӣ;
- барасмиятдарорӣ, таҳия, иваз намудан, бекор кардани шиносномаҳои хориҷии Ҷумҳурии Тоҷикистон;
- баррасии ариза ва муроҷиати шаҳрвандон нисбати талаби ҳуҷҷатҳо;
- иҷрои таъйиди консулии ҳуҷҷатҳо ва санадҳо.
Сарраёсати консулии Вазорати корҳои хориҷӣ ба намояндагиҳои дипломатӣ ва ташкилотҳои байналмилалӣ, шахсони воқеӣ ва ҳуқуқии Ҷумҳурии Тоҷикистон, шаҳрвандони хориҷӣ – хизматрасонии консулиро ба анҷом мерасонад.
Ҳамаи дархост ва ҳуҷҷатҳое, ки ба хизматрасонии консулӣ вобаста мебошанд, бевосита дар Раёсати консулӣ, дар суроғаи: кӯчаи Пушкин 34, дар рӯзҳои корӣ аз соати 08-30 то 11-00 қабул гардида, ба қайд гирифта мешаванд.
Сарраёсати консулии Вазорати корҳои хориҷии Ҷумҳурии Тоҷикистон қабули мизоҷонро оид ба масъалаҳои хизматрасонии консулӣ бо тартиби зерин ба роҳ мондааст:
| Қабули ҳуҷҷатҳо аз шахсони воқеӣ ва шахсони ҳуқуқӣ |
Душанбе, Сешанбе, Панҷшанбе, Ҷумъа аз 08:30 то 11:00 |
| Қабули ҳуҷҷатҳо аз Вазорату идораҳои Ҷумҳурии Тоҷикистон, намояндагиҳои дипломатӣ ва ташкилотҳои байналмилалӣ |
Душанбе, Панҷшанбе аз 08:30 то 11:00 |
| Супоридани ҳуҷҷатҳои омодашуда ба шахсони воқеӣ ва шахсони ҳуқуқӣ |
Душанбе, Сешанбе, Панҷшанбе, Ҷумъа аз 13:30 то 16:00 |
| Супоридани ҳуҷҷатҳои омодашуда ба Вазорату идораҳои Ҷумҳурии Тоҷикистон, намояндагиҳои дипломатӣ ва ташкилотҳои байналмилалӣ |
Душанбе, Панҷшанбе аз 13:30 то 16:00 |
Телефонҳо барои тамос:
- Оид ба масъалаҳои раводид (муқаррарӣ, электронӣ), апостилгузорӣ ва таъйиди хуҷҷатҳо, талаби ҳуҷҷатҳо ва бо дигар саволҳо Шумо метавонед ба рақамҳои маркази тамос муроҷиат кунед:
(+992) 44 610-20-20